2Th 1 | MTI | STEP | Poru, Sairas ge Timoti gumbo, Tesaronika siosi me Mamunwa God ge Ayapan Iesu Keriso danave wakeyanawa yenan teete.

b 1:2 Rom 1:7

c 1:4 2Ko 7:4; 1Te 2:19

d 1:6 Rom 12:19

e 1:7 1Te 3:13

f 1:8Ais 66:15

g 1:9Ais 2:10

h 1:10 1Ko 3:4

i 1:11 1Ko 1:9; 1Te 1:2-3

2 Thessalonians 1

1 Poru, Sairas ^{▼▼1:1Gae Griik gumbe me Siruvanus.} ge Timoti gumbo, Tesaronika siosi me Mamunwa God ge Ayapan Iesu Keriso danave wakeyanawa yenan teete.

2 ^bMamunwa God ge Ayapan Iesu Keriso gumbe ano oraiwa ge yum ye guniyap.

Nun Ge Gaun Wanigimtanwa

3 Tatangwanen, nu evedni yenan God gaun wantanit di. Meib aigimtanit di. Kuiyawa anotumat yeuma kokavit yoig aivi. Sira ye desirom desirom baigan garagara ene me koka aivi. 4 ^cMeoya, God siosi meuma yapave nu wai yemete. Kuiyawa ye edawai ge yaigipam undag danave iyai wakeg anotumat amarene.

5 Mame me God keptete meuma oraimina taibe atan oya. Ye matai God toimuwawa oya wat kiniya yempe. God toimuwawa oya ye mina gare danadawai auene. 6 ^dGod me oraimina di. Ye guniyap danadawai yempewa me garawa mu gumbo danadawai mumpe. 7 ^eYe danadawai auene. God me nu gaibu garawa ye nonewa emtan yempe. Ayapan Iesu me aneya yusipama gaibu iyam meru danave kwimin apa uwapewa, mame matai matatpe. 8 ^fBirabira God den anoyawa, Ayapan numa Iesu gae oraiwa meuma noiwa den anoemewa me nau ibnapam mumpe. 9 ^gMu Ayapan ginangawa namive sira me eyawa yusipama gumbe atatai impe. Me nau ibnapam aug amigimpe sira wakukamunigimpe viripusiwa onan. 10 ^hMe uwape kumiwa apa, iyayapan iyakaisi meuma gumbo me eyawa aupe. Anotumat igiyawa undag gumbo me waiya waiya aupe. Kuiyawa nu yenan oya gae taibe watuwa gumbe anotumat ayana.

11 ⁱMame oya nu evedni yenan nun vete. God numa yenan auwane. God me wat kiniya yempe. Me yusiwa meuma gumbe ye oraiwa undag aya anotumat nauwawa aya. Nu anoete God waita yempe sira nau oieba ape onanape. 12 Kuiyawa God numa Ayapan Iesu Keriso ano oraiwa gumbe, ye yapeyap Ayapan numa Iesu iviwa waiya waiya aupe, sira ye gaibu Ayapan gumbe eyawa auya.